shtolik

То пуста, то густа

2009-05-08T06:52:57Z

Працу я страціў яшчэ напачатку красавіка (а папярэдзілі напрыканцы лютага). Цягам двух з паловай месяцаў чуў, у лепшым выпадку, ветлівыя адказы/адмовы, ды перамовы з пасярэднікамі. Ну і, як заўжды гэта бывае, цягам аднога дню, а дакладней пары гадзінаў, адразу чатыры канторы выказалі сапраўдную зацікаўленасьць, а адна прапанавала кантракт. Цяпер можна абіраць;) Падобна, што я ўсё ж застануся ў Фінляндыі, вось толькі прыйдзецца пераехаць з Ювяскюля ў Хельсінкі, што мне, насамрэч, ня надта падабаецца. Але маленькія гарады акрамя зручнасьці ў перасоўваньні па ім, маюць нязручную колькасьць працоўных месцаў...

Падчас вымушанага адпачынку пасьпеў прывезьці сюды сям’ю (пакуль да канца траўня). Рэгулярна шпацыруем па наваколіцам ды фоткаемся . А калі быў у РБ пайграліся з братамі

Сьнег

2009-04-06T11:20:57Z

Тут зноў ідзе сьнег. Ну колькі можна? Зноў мясіць бруд ды хвалявацца на спусках з мясцовых горак. Больш чым упэўнены, што прывязу яго з сабою ў Менск у пятніцу.

Нокія зачыняе цэнтр распрацоўкі ў Ювяскюля.

2009-02-12T09:35:09Z

Nokia plans to close the Jyväskylä site and concentrate mobile devices R&D in Finland at Tampere, Oulu, Salo and the Helsinki metropolitan area.

Nokia’s operations in Jyväskylä focus mainly on mobile device product development and marketing. Nokia plans to gradually ramp down the site and close it by the end of 2009. The planned change concerns all of the approximately 320 employees working at the Jyväskylä site. The majority of employees at Nokia Jyväskylä work for devices product development, but the site also has some marketing activities and global support functions.

Маёй канторы гэта пакуль не зачапіла. Хаця нокія ў нас і асноўны заказчык. Кажуць, што такім і застанецца.

Ruotsalainen oo

2008-09-23T13:49:08Z

Пачаў вывучаць фінскую мову.

Увогуле паміж швэцкай у фінляндыі і беларускай у беларусі ёсьць некалькі падабенстваў: дзьве дзяржаўныя мовы, абедзьве абавязкова вывучаюць у школах, на іх амаль не размаўляюць (на швэцкай - каля 6% грамадзянаў у асноўным у паўднёва-заходняй частцы краіны, мяркую, столькі ж і на беларускай), у іх ёсьць адмысловы швэцкамоўны ТВ-канал (у РБ радыёбрахучка) ну і напэўна яшчэ нешта.

Затое ў фінскай абэцэдзе ёсьць <td>Å, å</td> <td>ruotsalainen oo</td>, то бок швэцкае O, і ўжываецца гэтая літара, каб слушна адлюстроўваць швэцкія імёны.

Можна было б і ў беларускі алфавіт дадаць рускае И ды Щ. (Хаця, насамрэч, лагічней у белорусский-русский язык дадаць "і" ды "ў"). Мяркую, горш бы не было б. Ва ўсялякім разе можна было б прасоўваць "адзіную раскладку" накшталт раскладкі зэдліка.

спартыўнае

2008-09-22T20:16:52Z

Кожны раз, калі трапляю на здымкі аргентынскага рывер плэйта, бярэ зайздрасьць, вось і зараз не магу не перапосьціць:

Знойдзена тут

Аздобіць бы вось так жа на матчы з англіяй пустую аварыйную трыбуну-брыль на дынама. Адразу б перамаглі%)
Дарэчы прыдбаў сабе іхнюю футболку, дакладней, прывезьлі мне яе наўпрост з Аргентыны на колішнію хэттрыкаўку ў Стакгольме.

Можа і патраплю калісьці на футбол у ёй, а пакуль граю сам: ад часоў дзіцячых штодзённых трэніровак скокам у воду ды амерыканскіх штодзённых фізычных заняткаў па мыцьцю посуду не было ў маім жыцьці столькі фізычных нагрузак. На некаторых тыднях тройчы на тыдзень граў у футбол, двойчы ў баскетбол, ну і ровар штодзённа.
Калі жонка прыедзе будзе іншая фізічная нагрузка. Пакуль жа спартыўная тэма займае першае месца.

jalkapallo

2008-08-13T21:25:47Z

БАТЭ перамог у гасьцях баўгараў - 1:0! Групавая стадыя лігі чэмпіёнаў з усімі яе грандамі блізка як ніколі.

Матч у адказ адбудзецца, верагодна, на Дынама і, спадзяюся, з аншлагам 27 жніўня. 20-га ня менш цікавы матч з адной з лепшых зборных сусьвету - зборнай Аргентыны.

Я ж прыязжаю дадому 22-га, а з’яжжаю 26-га і пралятаю міма абодвух матчаў;(

shtolik @ 2008-08-06T14:54:00

2008-08-06T11:54:41Z

Хацеў зрабіць камплімент адному брату, дык пакрыўдзіў параўнаньнем другога.

Ну хоць браты мне ня родныя (ды й увогуле, лічы, віртуальныя), але ж з братэрскімі пачуцьцямі буду асьцярожней, свае ж гадуюцца, хоць і не размаўляюць пакуль.

Neste oil rally in Jyväskylä

2008-07-31T14:42:21Z

Калі чым і вядомы мясцовы гарадок, дык гэта этапам Кубка Сусьвету па ральлі.
Я заўзятарам ральлі ніколі ня быў, нават не сачыў, усяго пару разоў граў у "Colin McRae Rally" і ўсё. Але ж не зьвяртаць увагу на гэтую падзею тут проста немагчыма. Яшчэ на мінулым тыдні панаехала машын, панастаўлялі сцэны ды платоў, якія паблыталі мае звычайныя пад’езды да працы, бо офіс знаходзіцца пасярэдзіне галоўная пляцоўкі - Rally HQ and Service Park, дзе базуюцца каманды, куды пасьля этапаў вяртаюцца ўсе машыны, стаіць подыюм і крамы з атрыбутыкай ад усіх удзельнічаючых камандаў.

Сёньня ж пачалося - панаехала народу, адчынілася выстава ды розныя іншая забавы. І гэта толькі пачатак - пішуць, што за канцатыдзень тут болей за паўмільёна чалавек пабывае замест звычайных 100 000 жыхароў. Якія, дарэчы, у асноўным з’яжджаюць на лецішчы ў гэты час (і здаюць свае кватэры турыстам%) , ці сядзяць ціхенька па хатах. З тузіна апытаных калег і фінскіх знаёмых ніхто жаданьня паглядзець ральлі ня выказаў - бягуць падалей ад п’яных турыстаў усіх нацыянальнасьцяў.

Я ўсё ж такі пляную наведаць які-небудзь этап, ну і ў фан-зоне пагуляць.

(с)

shtolik @ 2008-07-22T20:35:00

2008-07-22T17:35:04Z

Раварыстаў тут шмат, велаінфраструктура яшчэ лепей (трахец здымкаў тут): карыстаўся ўжо паўтузінам мінакова-роварных мастоў і яшчэ большай колькасьцю тунэляў. Больш паловы шырыні самага вялікага маста, што яднае дзьве часткі горада, прызначана для раварыстаў і мінакоў.
Але да гэтага я ўжо прызвычаіўся (як і да шляху да працы на ровары за 7 хвілінаў). Затое зьдзіўляе шматлікасьць вось такіх Jopo ровараў,

якія вельмі мне нагадваюць мой першы "Аист" (і чаму ммвз ня даў ім назву Бусел?), вельмі папулярныя сярод мясцовых эма ды нефармалаў. Каштуюць яны дафіга, маглі б сюды беларускія клясычныя ровары вазіць;)

Я дарэчы таксама ровар набыў. Канешне ж не Jopo-Аист, так што езьдзіць цяпер нашмат прыемней, гуляюся з пераклюкамі ды прызвычайваюся да тармазоў ручных, абы цяпер абысьціся без тармажэньня ілбом па асфальту;). Вось прыкладна так

выглядае і такія характарыстыкі мае (калі разумееце па-фінску ;). Купіў, вядома ж, на распродажы ўдвая таньней.

shtolik @ 2008-07-17T16:59:00

2008-07-17T13:59:57Z

Ліпень у фінляндыі - месяц вакацыяў: у пакоі акрамя мяне нікога няма (звычайна тут шасьцёра сядзіць), а ва ўсім офісе хіба дзясятая частка супрацоўнікаў засталася. Таму сяджу ды ўзгадваю, як правёў свой адпачынак.

А ён акрамя візыту дадому і дачкі прынёс яшчэ і анансаваную вандроўку ў Стакгольм на "Хэттрыкаўку" - сустрэчу адміністратараў hattrick.org. Усё абяцанае арганізатарамі выканалася, але найбольш запомніўся удзел ў футбольным турніры Hattrick Heroes Cup каманды Baltic team, да якой я далучыўся. Складзена яна была з літоўцаў, латышоў, украінца, галяндца ды беларуса. Нічога сур’ёзнага, але мы перамаглі (пару галоў каманды і я зашпурліў%) і прыемна было адчуць сабе спартовым пераможцам - з кубкам, эмоцыямі ды ў цэнтры ўвагі людзей ды фатографаў.

Астатнія здымкі тут

А вяртаясь сюды ў выпадковай размове ў цягніку (як апынулася - з бармэнам) даведаўся, што ёсьць тут такі кактэйль - “Valkovenäläinen” (Беларусь па фінску VALKO-VENÄJÄ), які складаецца з водкі, кававага лікёру і малака. Пагугліўшы гэты кактэйль патрапіў на траўлю гэтых белашведаў рыдэль...

P.S. Нейкі цікавыя спам-боты зьявіліся - каментуюць з даху ўзятымі беларускімі сказамі старыя допісы. А калі хадзеш паглядзець жж аўтара, там нейкая бздура рэклямная.

belarusian hleb

2008-07-17T09:13:10Z

Вось усё іх вучыць трэба.

Please, stop calling Hleb Belorussian player, he's Belarusian!
Just check arsenal.com, google for Belarusian and Belorussian and you'll see the difference.
Belorussian is outdated now. It was the name of belarusian people when they were part of USSR as Belorussian Soviet republic. And now the country is called Belarus and adjective from it is Belarusian.
Thanks for cooperation;)

Upd:
oab@fcbarcelona.cat to Anatol :
Dear sir,
Thanks for contacting us. We forwarded your message to the department in charge.
We are very grateful for your collaboration.
Kind regards,
І ўжо як сьлед пішуць: "Titles: a Belarusian obsession"

Софія Анатолеўна

2008-07-08T21:09:10Z

Сёньня зарэгістраваў дачку ў загсе. У пасьведчаньні яна Софья Анатольевна ці Софія Анатолеўна. Спачатку думаў, што па-беларуску будзе Соф'я, але бянтэжыла, як гэта будзе ў транслітэрацыі ў пашпарце - Sof'a? Ня надта хацелася, каб яна "канапай" была ў перакладзе з ангельскай;)
Яшчэ апынулася, што згодна майму пасьведчаньню аб нараджэньні мае бацькі - рускія (хаця абедзьве бабулі і беларускі), і я, адпаведна, таксама. Добра, што жончыны 50% рускасьці і 50% беларускасьці разьмеркаваны асобна па бацькам, і соня ў пасьведчаньні ўсё ж будзе напалову беларускай. Хаця гэта без пятай графы ў пашпарце і неістотна, а ва ўсіх анкетах я ўсё роўна пішу "нацыянальнасьць - беларус"%)

Соня кожныя 3 +/-0,5 гадзіны ест, а ў прамежках сьпіць і псуе памперсы. Усьмешку яе я пакуль бачыў толькі аднойчы і тое ўва сьне, а так ў асноўным незадаволена крывіцца, ды войкае - аё-я-ё. Наздымаў яшчэ трошкі здымкаў. Думаю ўсё ж набуду "гаўналюстэркавую" камеру з "фіксам" для партрэтных здымкаў з замыленым заднікам.

Я ж больш бегаю ў крамы, рынкі, даі, аптэкі, да стаматоляга ды афтальмоляга і з іншай бытавухай.
Хоць і хочацца быць дольш і больш разам, але праз тыдзень лячу назад у ювяськюля, жонка за дачкой і коткай - да бацькоў, спадзяемся атрымаць residence permit на ўсіх з лістапада і тады ўжо ўзьяднацца.

немаўля

2008-07-01T22:56:21Z

27.06.08 да нашай сям'і далучылася 51-сантыметровая, 3150-грамовая дачка;)

Вось яна - нашае сонейка:

яшчэ паўтузіна здымкаў з радзільні тут

Hattrick in Stockholm

2008-06-03T18:57:33Z

Hattrick гэта канешне проста гульня, дастаткова цікавая, якая аднак не патрабуе шмат часу і высілкаў (пару гадзінаў на тыдзень будзе больш чым дастаткова), з моцнай, сьмешнай і адэкватнай суполкай мэнэджэраў.

Аднак за чатыры гады яна пасьпела пакінуць шмат успамінаў:дасюль узгадваю спрэчкі наконт перайменаваньня вышэйшай лігі (у галасаваньні перамагла "Vyshekshaja Liga"), тарашкевіцкага ці наркамаўскага перакладу інтэрфейса (перамаглі вядома ж тыя, хто больш перакладае - а больш за ўсё трэба, канешне, тарашкоўцам), складаньне базы дадзеных беларускіх імёнаў і прозьвішчаў (перамог варыянт "пашпартнай лацінкі"), галасаваньне пра перайменаваньне Byelarus у Belarus (з на дзіва вялікім адсоткам галасоў за Bielaruś) і, ну і, вядома ж, запуск белмоўнай версыі і сваё нядаўняе чэмпіёнства.

За свой валанцерскі пераклад гульні на беларускую мовы я найперш атрымліваю паляпшэньне ўласных ведаў ангельскай і беларускай моваў. Плюс калісьці даслалі цішотку

і і каляндар, і даюць невялічкі ўнутрыгульнявы ўпрыгожваючы бонус - Supporter.

Ну а нядаўна даведаўся, што ўсіх валанцераў (LangAdmin'аў, Moderator’аў, GameMaster’аў і яшчэ пару) запрашаюць адсьвяткаваць 10-годдзе гульні ў Стакгольме - на выходных напрыканцы чэрвеня. Абяцаюць жытло, пітво і ежу. Ну а асноўнае - экскурсію па офісу кампаніі, якая і стварае Хэттрык, плюс футбольны турнірчык і вядома ж жывыя стасункі з запісаўшыміся 90 гасьцямі і некалькімі дзясяткамі распрацоўшчыкаў.
Жывучы ў шэнгенскай зоне, я насамрэч амаль яшчэ нідзе ня быў, таму такой магчымасьцю проста нельга не скарыстацца. Тым болей трэ пабачыць на ўласныя вочы стакгольмскае метро з

(c)tapirr

чэмпіёны

2008-06-01T10:53:57Z

З 2004 году гуляюся ў футбольны анлайн мэнэджэр hattrick.org. За гэты час гульня была цалкам перакладзена на беларускую мову, беларуская ліга ўжо мае 600 удзельнікаў (па ўсяму сьвету амаль мільён чалавек), а я займаў 2 і 3 месцы ў вышэйшай лізе (сыстэма лігаў там, як піраміда, з пераходамі паміж узроўнямі).

Гэты сэзон удала для мяне пачаўся, так і цягнуўся, а перад апошнім турам ад чэмпіёнства ў беларускай "Vyshejshaj Lize" мяне аддзяляла адна перамога.
Матч з’еў шмат нэрваў, сытуацыя мянялася як на арэлях. Тройчы мае shtolik'i адыгрываліся, а напрыканцы, ня гледзячы на выдаленага гульца і незабіты пенальці, здолелі адарвацца ў ліке і перамагчы:
Shtoliks - Jigits 5:3

Дата :	2008-06-01 10:15:00
MatchID:	166549464
Стадыён :	Płošča Niezaležnaści
Гледачы:	80900

80900 гледачоў прыйшлі на Płošča Niezaležnaści у гэты хмарны дзень. Заўзятары абедзьвюх камандаў з нецярплівасьцю чакалі гэта дэрбі ў Minsk і прыкладалі ўсе высілкі, каб перагарлаць прыхільнікаў другога клюбу. Shtoliks вырашыла выкарыстоўваць пабудову 3-5-2. На поле выйшлі наступныя гульцы: Alves - Hay, Võsu, Kantz - Jenicke, Falkhult, Kasperovich, Dranov, Queau - Eremin, Balboni.

Jigits вырашыла выкарыстоўваць пабудову 3-5-2. На поле выйшлі наступныя гульцы: Hulitski - Villareal, Silvasti, Burger - Karlsson, Hugen, El-Akil, Banucha, Joss - Huige, Martinsson.

Выглядала на тое, што Shtoliks абралі стратэгію контаратак. Jigits вырашылі гуляць творча. На 7-й хвіліне, каманда гасьцей Jigits зрабіла лік 0 : 1, пасьля выбітна выканананага Kurt Silvasti штрафнога. Walery Banucha з Jigits атрымаў жоўтую картку за фол. Kurt Silvasti з Jigits пакінуў поле на 21-й хвіліне з-за гідкага ўдару па галёнке. Яго заменай быў Dwi Nugrahanto Iskandar. На 24-й хвіліне гульні Artur Eremin зраўняў лік для Shtoliks уражваючым голам прадзершыся па цэнтру. 1 : 1. Прайшло 26 хвілінаў матчу, калі шпаркі Jimmy Martinsson на хуткасьці зь лёгкасьцю абыйшоў Heith Hay і забіў гол, які зрабіў лік 1 : 2. Shtoliks зраўнялі лік на 29-й хвіліне, калі Marcus Falkhult зашпурліў мяч з штрафнога дакладна ў браму. Лік 2 : 2. Jigits мела некалькі добрых магчымасьцяў, каб павесьці ў ліку, асабліва на 30-й хвіліне, калі Walery Banucha выйшаў сам-насам з брамнікам, але Flávio Alves здолеў адвесьці пагрозу. На 34 хвіліне гульні, Marcus Falkhult з Shtoliks артыстычна паваліўся на падыходзе да штрафной. Аднак судзьдзя папярэдзіў Marcus Falkhult за сымуляцыю. Хуткасны набег зь левага краю дазволілі Meindert Huige з Jigits апынуцца зусім адному для рашаючага ўдару на 35-й хвіліне. 2 : 3 стаў лік на карысьць гасьцей. Meindert Huige з Jigits атрымаў жоўтую картку за фол. 2 - 3 быў лік пасьля першай паловы. Гэтая частка гульні была роўнай для каманд.

Marcus Falkhult мог параўняць лік на 74-й хвіліне, калі б здолеў рэалізаваць пэнальці. Суддзя паказаў Qadim El-Akil з Jigits жоўтую картку за асабліва мярзотнае сутыкненьне. На 76-й хвіліне Steffen Kantz прабег па цэнтру праз усіх абаронцаў гасьцей і забіў гол. Лік зьмяніўся на 3 : 3. Неспартовыя паводзіны Marcus Falkhult мелі вынікам яго другую жоўтую картку ў матчы, і каманда Shtoliks была вымушана скончыць сустрэчу ў меншасьці. Shtoliks выйшлі наперад на 78-й хвіліне, калі Dennis Jenicke прадзерся па леваму краю й паклаў мяч у сетку ў недасягальнасьці ад выцягнуўшагася брамніка: 4 : 3. Становішча гасьцей пагоршылася. Steffen Kantz прадзерся праз цантральную абарону на 80-й хвіліне, і павялічыў адрыў да 5 : 3. Jigits валодалі мячом, з заўважнай 54-адсоткавай перавагай валоданьня.

Найбольш важным гульцом Shtoliks быў Artur Eremin. А вось Patrick Queau пакінуў гаротнае ўражаньне. Найбольш важным гульцом Jigits быў Qadim El-Akil. А вось Dwi Nugrahanto Iskandar пакінуў гаротнае ўражаньне. Канчатковы лік сустрэчы 5 - 3.

ня ведаю навошта

2008-05-24T22:27:17Z

але глядзеў еўрабачаньне.
расеі ў гэтым гаду папёрла з перамогамі (хакей, футбол, баскетбол), цяпер яшчэ адзін псэўдаспорт.
вось толькі ўкраіна пасьля перамогі пазбавілася кучмы, сэрбія - косава. ня ведаю чаго здарыцца з яшчэ адной "маладой дэмакратыяй" за год, але ж нейкія зьмены не замінулі б. Бо з даданьнем яшчэ пары былых савецкіх рэспублік (каго там яшчэ не хапае?) эўрабачаньне з масквы можа не з’яжжаць - замбаяшчык з расейскімі каналамі зробіць сваю справу.

З.Ы. мне дык басьнійцы найбольш спадабаліся.

shtolik @ 2008-05-23T22:23:00

2008-05-23T19:23:39Z

У Фінляндыі народ так зьбяднеў, што забыўся як выглядаюць купюры больш за 50€.

Сёньня разьлічваўся соткай за піва (якім разьлічваўся за падараваны ровар), калега зьдзівіўся, бо ў банкаматах максімум 50-кі выдаюць, а для астатняга ёсьць карткі.

work parties

2008-05-20T22:40:17Z

Цягам гэтых амаль чатырох месяцаў майго тут жыцьця, першым і дасюль галоўным расчараваньнем ад працы і фінляндыі было тое, што я спазьніўся са сваім прыездам на адзін дзень і не патрапіў на фінскую карпаратыўную вечарыну.
У гэтым не было б нічога страшнага - на карпаратывах з півам, ежай, музыкай стрыптызам і г.д. я ўжо ня раз быў, але ж тут было іначай.
Піва з закускай, канешне, таксама было ў неабмежаваных колькасьцях (я нават пабачыў некалькі застаўшыхся скрыняў). Але ж гэта быў яшчэ і дзень расчыненых дзьвярэй, калі кожны мог хадзіць па ўсім габінетам на ўсіх акупаваных канторай чатырох (з 15) паверхах і вольна цікавіцца, хто чым займаецца. Для першага працоўнага дня проста выдатна было б. А як высьветлілася пасьля падпісаньня розных паперак і атрыманьня ключа, гэта быў лепшы шанец спаталіць сваю цікаўнасьць, бо на іншыя паверхі я доступа зараз ня маю.
Таксама жадаючыя маглі наведаць саўну на апошнім паверсе(з відам на горад ці не - ня ведаю пакуль).
Ну і самае галоўнае для мяне, як для ўсё яшчэ не нагуляўшагася ў цацкі: было ўсталявана некалькі вялізных экранаў, да якіх былі падключаныя плэйстэйшаны, іксбоксы і нінтэнды з Wii (калі хто не ведае - wii-"джойстык" адчувае свае перамяшчэньне ў 3d і, адпаведна, рухі рукі гульца, а таму можа сымуліяваць ракетку, біту і іншы спартовы інвентар), гітарамі ды рулямі. І народ актыўна гэйміўся ў боўлінгі, тэнісы, guitar hero і іншыя спартовыя і ня толькі гульні.
З таго часу я знайшоў, з кім гуляць у звычайны футбол і баскетбол, а хутка будзе і summer party недзе на ўлоньні прыроды (а адпаведна без гульнявых прыставак, хаця, спадзяюся, усё ж хоць зь нейкім спортам), але расповеды пра тую вечарыну і мой адзін дзень спазьненьня на яе дасюль турбуюць;)

02.06.2008 19.00. Футбол. Фінляндыя - Беларусь. Турку.

2008-05-20T13:30:57Z

Можа ёсьць тыя, хто едзе на гэты матч з беларусі?
Бо адному неяк нецікава ехаць, а ў кампаніі дакладна б пазаўзеў, нягледзячы на тое, што матч у панядзелак і 4 гадзіны дабірацца...

Power Rankings

2008-05-13T06:43:23Z

Патрапіў на афіцыйным сайце IIHF на цікавую старонку бягучага рэйтынга камандаў з прышпільнымі каментарыямі. Мне найбольш цікава вядома пра беларусаў, але і над астатнімі камандамі няблага зьдзекваецца аўтар.

May 11 Пасьля паразы ў ОТ ад чэхаў
Belarusian shootout researchers work furiously to clone Dmitry Meleshko
May 9. Пасьля паразы ў ОТ ад рускіх
Even in defeat, we prefer “Belarusians,” not “Belorussians,” “Belarussians,” “Byelorussians,” or “White Russians.” Thank you for your cooperation.
May 7. (Пасьля перамогі над францыяй)
The triumph over France must be reported in every newspaper

May 5 (пасьля пройгрышу швайцарам перад якім да нас прыехалі 4 нхлаўца)
Any other NHLers we can bring in?

May 3 (пасьля гульні з шведамі 5:6)
Hope you saved some goals for the rest of the tournament

May 2 (перад турнірам)
Go Flyers Go!

May 11
Give us the 2014 Worlds and we’ll make Minsk-meat out of our rivals

Vintage hockey form

2008-04-29T12:53:03Z

На чэмпіянаце сьвету па хакею, які хутка пачнецца ў канадзе, кожная каманда правядзе з нагоды юбілею IIHF па адному матчу ў рэтраформе. У такой, якой яны праводзілі нейкі найбольш памятны стары чэмпіянат.

Усе ды ня ўсе. Беларусь, на жаль, пачала гуляць толькі з 1992 га году і памятнай формы ў іх няма. Хаця я б задавальненьнем паглядзеў матч зборнай РБ у форме 1994га году (нажаль не знайшоў здымка), вядома ж, з Пагоняй на грудзёх.

хельсінкі

2008-04-25T21:17:24Z

Сярод тыдня кінуў працу ды паехаў у хельсінкі сустракаць жонку ды атрымліваць паўгадовы дазвол на жыцьцё ў фінляндыі.
Усё атрымалася без вялікай напругі. Пераночылі ў гасьцінных гаспадароў ykaliuta і яго сям'і (kiitos!), а потым добра пагулялі і азнаёміліся з горадам да ад'езду.
А яшчэ дзякуючы ykaliuta я ўпершыню дакрануўся, памацаў і нават трохі паздымаў, на чымсьці лепшым за фотагаўнамыльніцы (canon eos 350d ды 5D).
Што атрымалася можна паглядзець у пікасаўскім альбоме ніжэй.

Фотасэссія ў хельсінках

Шпацыр жа па Хельсінкі і цікаваму, але надта прадуваемым вятрамі выспам з фартэцыяй 18-га стагоддзя Suomenlinna, здымалі з камеры ў тэлефоне. Хаця атрымалася вядома ж ня так якасна, але ж усё яшчэ ня ўпэўнены, што сапраўды хачу чытаць, даведвацца, а галоўнае потым думаць пра экспазіцыі, вытрымкі і іншыя фокусы замест таго, каб проста ціснуць на "вось гэтую" пімпачку.%)

Шпацыр па Хельсінкі і Суоменлінна

раварысты

2008-04-18T15:15:11Z

Ну ўсё. я, нарэшце, раварыст. Шлях на працу і назад 10 хвілін займае, калі ня езьдзіць па ваколіцам ды не "дывіцца" горадам.
Кампутар паставіў, буду цяпер як дарослы падлічваць прабег за сэзон. на дадзены момант 17 км. Ровар праўда стары, падораны калегай, аднак колы, перадачы й тармаза ёсьць, як прызвычаюся і зразумею, што мне яшчэ патрэбна ад веліка, тады і набуду новы.

Езьдзіць, дакладней з'язжаць з горак - адно задавальненьне. У горку ня так прыемна;) Затое горад цалкам прыстасаваны пад патрэбы раварыстаў: велатрымальнікі ля кожнай крамы, веласьцежкі ўздоўж усіх дарог, пакатыя спускі/заезды з горак і мастоў

Патрэбы ў аўто і аўтобусах пакуль зусім няма. З'явіцца хіба тады, калі сюда Насьця пераедзе. Пакуль жа яна атрымала візу і, нарэшце, наведае мяне на наступным тыдні. 30.04 праваджаю насьцю на цягнік да піцера, а сам плыву да талліна і пасьля пары гадзінаў шпацыру лячу ў Мінск, дзе сустрэну жонку зь цягніка %)

5.05 назад сюды...

малюнак

2008-04-04T18:55:32Z

Як вы думаеце, хто намаляваў гэтага слана з кветкай?

А намаляваў гэта, як ні дзіўна таксама слон.

Вось досыць вялікае і трохі нудлівае відэа, якое затое даказвае, што сланы ўмеюць ня толькі лятаць, але й маляваць.

P.S. «Отряда Радикального Освобождения Земли и Животных» (ОРОЗиЖ) усё ж такі мае рацыю.
P.S.S. Убачыў тут

візавае

2008-03-19T12:45:39Z

Нехта ня любіць і цкуе іпшнегаў, але ж з майго досьведу, дзяржустановы і іх супрацоўнікі псуюць справу, нэрвуюць і патрабуюць для сабе часу ў дзесяткі разоў больш і часьцей, чым прыватныя ўстановы, а адпомсьціць і зацкаваць іх, наадварот, цяжэй.
Чарговы прыклад дастаў нават у фінляндыі

У сувязі з уваходам літвы ў шэнген, выдачы візаў у фінляндыю беларусам перанесьлі з Вільні ў Маскву. Кантора, праз якую гэта можна было рабіць у літве, тую ж паслугу для масквы ня робіць. Даведка адаслала ў візавы аддзел пры беларускім МЗСе. Тыя сказалі прыносіць докі ў пятніцу 22.02. Калі прынесьлі, запатрабавалі яшчэ адну паперку з маім подпісам, факсанулі, але, бачш-ты, пакет дакументаў для адсылкі ўжо запакаваны. Адчыняць яго ня могуць. І тут высьветлілася самае цікавае. Докі фінам носіць супрацоўніца беларускай амбасады ў Маскве. І робіць яна гэта толькі раз на тыдзень па панядзелкам. То бок на панядзелак 25.02, мы не пасьпявалі. У тым ліку з-за таго, што беларускія строхоўкі фінаў не задавальняюць, а каб набыць расейскую ёй патрэбна некалькі дзён - бо проста падыйсьці да страхаўшчыка яны ня могуць - гэта неабходна рабіць праз банк, то бок паперы час і г.д. Своечасова нам пра гэта канешне не сказалі, таму перадача докаў адклалася ў лепшым выпадку на 03.03, пры запланаваным ад'ездзе і квітках, набытых на 22.03.
Гэта вымусіла пашукаць яшчэ варыянты перадачы. Лепшых варыянтаў не знайшлося - нехта займаецца фінскімі візамі толькі, калі набываеш у ніх тур, нехта, падобна, робіць візы праз той жа МЗСаўскі аддзел. Была нейкая жанчына, якая сама робіць, але вырашылі ўсё ж скарыстацца дапамогай дзяржавы, і памыліліся.
Бо цётка з беларускай амбасады ў маскве ня толькі ходзіць туды толькі па панядзелкам. Ёй яшчэ і лянотна стаяць у чэргах. Ані 3-га, ані 10-га сакавіка чэргі ня зьменшыліся (нам канешне ж пашансіла - зараз перад фінскай амбасадай штодзень стаяць сотні чалавек - ня ведаю ці то з-за сьвятаў, ці то з-за рэмонту - павялічваюць колькасьць акенцаў для прыёму докаў з 2 да 6). Беларускі амбасадар быццам бы нават напісаў фінам нейкую ноту, каб яе прымалі без чаргі. Але ж, канешне, безвынікова. І цяпер гэты аддзел проста не прымае дакуманты ад людзей, якія хочуць фінскую візу, ну а нам вяртаюць докі і грошы. Але ж, блін, нам патрэбна віза, а не паперкі! І расповеды пра тое, што нейкі беларускі вучоны праляцеў міма канферэнцыі, а спартоўцы - міма збору, а "вы хто такія?" няхай пакінуць сабе. Сам пайсьці запатрабаваць кнігу скаргаў не магу, жонка ня хоча нэрвы псаваць.
Карацей, ніколі больш не абяру паслугі, якія аказвае беларуская дзяржава.
Вось толькі як цяпер візу рабіць...